EuroVillage
"EuroVillage" Eurovision Mahnı Müsabiqəsinin əsas məkanlarından biridir. Mahnı Müsabiqəsinin təntənəli açılışı məhz "EuroVillage"də keçirilir. Bununla da Eurovision Mahnı Müsabiqəsi günləri rəsmən start götürür.
Bakının ev sahibliyi edəcəyi Eurovision 2012-nin "EuroVillage"i Bakı Bulvarı ərazisində, Abdulla Şaiq adına Azərbaycan Dövlət Kukla Teatrının arxasında 5330 m2 ərazidə təşkil ediləcək. "EuroVillage"in rəsmi açılışı mayın 19-da olacaq.
"Bakı Kristal Zalı"ndan 3 km məsafədə yerləşəcək "EuroVillage"də gündəlik şou proqramlar, müxtəlif konsertlər, Eurovision Mahnı Müsabiqəsinə aid aksessuarların satışı təşkil olunacaq.
